Elşad Məmmədov: Disbalans olduğu şəraitdə daha aşağı həddi tutmaq lazımdır
İqtisadçı-ekspert Elşad Məmmədov deyir ki, Azərbaycandakı mövcud makroiqtisadi vəziyyət əlavə maliyyə resurslarından istifadə etməyə məcbur edir: “Əgər maktoiqtisadi vəziyyət yetərincə balanslaşdırılıbsa və iqtisadi resurslar diversifikasiya olunubsa, ümumi daxili məhsulun 30-40% dəyərində xarici borc dövlət iqtisadiyyatı üçün kifayət qədər rahat və təhlükəsizdir. Lakin makroiqtisadi inkişafda disbalans olduğu şəraitdə daha aşağı həddi tutmaq lazımdır”.
“Mən hesab edirəm ki, 15-20%-lik xarici borc Azərbaycan iqtisadiyyatı üçün kifayət qədər yüksəkdir. Hökumət xarici borcun əhəmiyyətli artımından qaçmalı və mümkün qədər öz daxili resurslarına və ilk növbədə ölkənin Neft Fondundakı resurslara nəzər yetirməlidir”, — deyə o bildirib.
