BAKI, 5 dek — Sputnik. "Mosul vilayətini İŞİD terrorçularından təmizləyəndən sonra da Amerika əsgərlərinin İraqda qalmasına ehtiyac var". Sputnik xəbər verir ki, bunu Birləşmiş Ştatların müdafiə naziri Eşton Karter "Fox News" telekanalına özəl müsahibəsi zamanı bildirib.
Jurnalistin "Yanvarın 20-dək Mosulun İŞİD-dən təmizlənməsi əməliyyatı başa çatacaqmı?" sualına Karter belə cavab verib: "Həmin müddətə qədər əməliyyatın başa çatma ehtimalı var. Amma indidən dəqiq fikir yürütmək çətindir. Hava şəraiti ilə bağlı ciddi problemlər var. İraq ordusu bütün ehtimalları nəzərə alır".
