BAKI, 2 dek — Sputnik. Keniyanın paytaxtı Nairobidə İsrail səfirliyinin binasını lentə alan iki İran vətəndaşı, terror şübhəsi ilə həbs olunub. Həmin şəxslərdən başqa, onları şəhərdə gəzdirən keniyalı sürücü də məhkəmənin qərarı ilə tutulub.
Sputnik Associated Press-ə istinadən xəbər verir ki, iranlıların üzərindən, Azərbaycanın paytaxtında fəaliyyət göstərən İsrail səfirliyinin də fotosu aşkar edilib. İranlı agentlər Sayed Ebrahimi və Gholam Safafenin çantasında Tailand və Hindistandakı İsrail səfirliklərinin də binasını əks etdirən şəkillər tapılıb.
