BAKI, 20 noy — Sputnik. Texnologiya nəhəngi Apple-ın iPhone-larda edilən zənglərin qeydlərini avtomatik olaraq (icazəyə ehtiyac duymadan) iCloud-da ehtiyat nüsxə çıxardığı iddia edildi.
Sputnik NTV-yə istinadla xəbər verir ki, Rus “Elcomsoft” firması iCloud-un ehtiyat nüsxə çıxardığı ilə bağlı maraqlı bir iddia ortaya atdı.
“Elcomsoft”un rəhbəri Vladimir Katalov bu sistemi bağlamanın hər hansı bir yolu olmadığını ifadə edib, icazə verilməsə belə telefonun zəngləri iCloud-a anlıq olaraq göndərdiyini açıqladı.
Bu vəziyyətdən xilas olmanın tək yolunun iCloud-u təsirsiz hala gətirmək olduğunu söyləyən Katalov bunun da praktikada telefonu haradasa istifadə edilməz hala gətirdiyini söylədi.
Mövzuya bağlı bir mütəxəssis Jon athan Zdziarski "Mövzunun daha çox mühəndislik mərhələsində olduğundan şübhələnirəm. Apple bütün məlumatlarını ABŞ-dakı mərkəzlərində saxlayır" deyib.
