Deputat: Amerika polisi zənciləri güllələyəndəbeynəlxalq telekanallar olanları görməzdən gəlirdi
Donald Tramp ABŞ prezidenti seçildikdən sonra bir çox ştatlarda onun əleyhinə etiraz aksiyaları olub. Milli Məclisin deputatı Araz Əlizadə polis tərəfindən dağıdılan bu aksiyaları iri media holdinqlərinin görməzdən gəldiyini deyir:
"Bizdə kimsə qeyri-qanuni mitinq keçirən zaman, polis onları meydandan uzaqlaşdıranda, istər CNN olsun, istər BBC, istərsə də digər qərbli media holdinqləri — hamısı canfəşanlıqla hər şeyi çəkib göstərirdi. Lakin amerikan polisi zənciləri güllələyəndə, yaxud da aksiyaçılara gözyaşardıcı qazla müdaxilə edəndə, həmin telekanallar olanları görməzdən gəlirdi. İndi də həmin şeydir",-deyə deputat bildirib. Onun sözlərinə görə insan haqları sadəcə ABŞ və Qrəbin əlində müstəqil siyasət aparan dövlətlərin daxili işlərinə qarışmaq üçün vasitədir.
