BAKI, 13 noy — Sputnik. Balı adası yaxınlığında sualtı bitkilərin tədqiqatı ilə məşğul olan dalğıc qəribə varlıq görüb. Onun uzun bədəni boyunca bir-birinə diaqonal yerləşən 10 "ayağı" var.
Sputnik milli.az-a istinadən xəbər verir ki, bu qədər ayağı olmasına rəğmən, varlıq şəffaf yastı çıxıntının köməyilə hərəkət edir. Bu varlıq yarımşəffaf şarabənzər başını şişirdə bilir.
Başın kənarlarında iki çıxıntı var, güman ki, orada onun gözləri yerləşir. Ağzı başının alt hissəsindədir, iti dişləri var.
Əcaib canlı yosunlar, xırda orqanizmlərlə qidalanır. Hətta ona hücum edən daha iri yırtıcıları da uda bilir.
