BAKI, 7 noy — Sputnik. Azərbaycan Dövlət Kukla Teatrı (ADKT) balaca tamaşaçılarını sevindirməkdə davam edir. Teatrın mətbuat xidmətinin rəhbəri Həmidə Rüstəmova Sputnik-ə bildirib ki, 8 noyabr saat 18:00-da ADKT-də növbəti premyera baş tutacaq.
"Oyuq" teatr studiyasının təqdim edəcəyi "Cadugər və gözəl" adlı tamaşa 9 noyabr — Dövlət Bayrağı günü münasibət ilə nümayiş olunacaq. Həmidə Rüstəmova onu da qeyd edib ki, premyera zamanı açıq qapı olacaq və hər kəs bilet almadan tamaşanı izləyə bilər.
