BAKI, 4 noy — Sputnik. Türkiyədə Diyarbəkr vilayətinin Bağlar rayonunda polis idarəsinə silahlı hücum olub.
Sputnik-in Hurriyet-ə istinadən verdiyi xəbərə görə, terrorla mübarizə və çevik polis alayının yerləşdiyi bina Bakı vaxtı ilə saat 9 radələrində partladılıb. Partlayışdan sonra bölgədə atışma başlayıb. Hadisə yerinə xeyli sayda təcili tibbi yardım maşını cəlb olunub. Hələlik ölən və ya yaralananların olub-olmadığına dair məlumat verilməyib.
İlkin ehtimala görə, partlayıcı qurğu yerləşdirilmiş avtomobil binanın girişində partladılıb.
