BAKI, 31 okt – Sputnik. “Talibanla heç bir əlaqəmiz olmayıb, yoxdur və olmayacaq”. Sputnik Parsnews-a istinadən xəbər verir ki, bunu İran Xarici İşlər nazirliyinin mətbuat katibi Bəhram Qassemi deyib.
Onun sözlərinə görə, bu haqda şayiələr terror təşkilatını bəsləyənlər tərəfindən İrana qarşı düşmənçiliyin artırılması məqsədilə yayılır.
Xatırladaq ki, bir neçə gün öncə Birləşmiş Ərəb Əmirlikləri mediası Taliban nümayəndəsi Molla Zəbiullanın İranla əlaqələrinin mövcud olduğunu iddia etmişdi.
Rəsmi Tehran bu iddiaların növbəti bir yalan olduğunu, İranın terror təşkilatlarına qarşı mübarizədə aparıcı rol oynadığını bəyan edib.
