Ekspert hesab edir ki, cərimələr dil pozuntularının qarşısını ala bilər
Filologiya üzrə fəlsəfə doktoru Cahid İsmayıloğlu ədəbi dilin normalarını pozanların cərimələnməsi təklifinə müsbət yanaşır.
"Dil normalarının pozulmasına qarşı Dilçilik İnstitutu müxtəlif tədbirlər həyata keçirib. Məsələn, İnstitut mediada, ticarət obyektlərində dil normalarını düzəltmək üçün, onlara tövsiyyə xarakterli məlumatlar göndərirdi. Amma bu tədbirlərlə, zaman keçsə də, heç bir nəticə əldə etmək mümkün olmadı. Artıq başqa variant qalmadı və ona görə bu təklif irəli sürüldü", — o, Sputnik-ə açıqlamasında bildirib.
"Cərimələr cəmiyyətdə sınanmış vasitədir. Ona görə də hesab edirəm ki, cərimələr bəzi insanların qayda pozuntusundan çəkinmələrinə səbəb olar", — dilçi alim vurğulayıb.
