BAKI, 30 okt — Sputnik. ABŞ Dövlət Departamenti İstanbuldakı Amerika vətəndaşlarına xəbərdarlıq edib. Sputnik xəbər verir ki, Birləşmiş Ştatların İstanbuldakı baş konsulluğundan verilən yazılı açıqlamada, mümkün terror təhlükəsi səbəbindən, bu şəhərdəki amerikalılara İstanbulu tərk etmələri tövsiyyə olunur.
Məlumatda qeyd olunur ki, bu qərar təhlükəsizlik xidmətdən daxil olan məlumatdan sonra qəbul edilib. Bildirilir ki, ekstremist qruplaşmaların nümayəndələri İstanbulda ABŞ vətəndaşlarına hücum etməyə cəhd edəcəklər.
