BAKI, 26 okt — Sputnik. İraqın Mosul şəhərinin İŞİD terrorçularından azad edilməsi üçün aparılan əməliyyatlar davam edərkən, koalisiya ölkələrinin təmsilçiləri son bir həftə ərzində ikinci dəfə Fransada bir araya gәliblər. Sputnik Haberturk-ə istinadən bildirir ki, əməliyyata dəstək verən 13 ölkənin müdafiə nazirləri Mosuldan sonra Suriyanın Raqqa şəhərini də terrorçulardan azad etmәyi hәdәflәyirlər.
![Fransanın Müdafiә naziri Jean-Yves Le Drian Fransanın Müdafiә naziri Jean-Yves Le Drian - Sputnik Azərbaycan](https://cdnn1.img.sputnik.az/img/40749/12/407491228_0:0:3323:2215_600x0_80_0_0_d37ed319777a1d238914c2b6100d0fc6.jpg)
Yığıncaqdan sonra verilәn açıqlamada əməliyyatın planlaşdırıldığı şəkildə davam etdiyi, ancaq tam qələbə üçün regiondakı əsas faktorlar və yerli müttəfiqlərlə əməkdaşlığın şərt olduğu vurğulanıb. Fransanın Müdafiә naziri Jean-Yves Le Drian və amerikalı hәmkarı Eşton Karter keçirdiklәri birgə mətbuat toplantısında Türkiyənin də İŞİD-lə mübarizədə koalisiyasının önəmli üzvü olduğunu deyiblər.
"Türkiyə İŞİD-ə qarşı mübarizə aparan koalisiyanın vacib üzvüdür. Beynəlxalq koalisiya ilə Türkiyənin ortaq hədəfi terror təşkilatını aradan qaldırmaqdır", — Fransanın müdafiə naziri bildirib.
Eşton Karter dә İraq və Suriyanı bu bәladan təmizləmək məcburiyyətində olduqlarını bildirib: "Müttәfiqimiz olan türk əsgərləri və yerli döyüşçülərlə sərhəd təhlükəsizliyini təmin edirik. Çünki İŞİD Türkiyənin də başına bәla olub və Türkiyə bu mübarizəyə xüsusi əhəmiyyət verir".