BAKI, 25 okt — Sputnik. Türkiyədə, Antalya Ticarət və Sənaye Palatası yaxınlığında partlayış baş verib. Hadisə yerinə təcili tibbi yardım və polis qrupları cəlb edilib.
Sputnik "Anadolu" agentliyinə istinadla xəbər verir ki, Antalya Ticarət və Sənaye Palatası binasının avtomobil dayanacağında hələlik səbəbi bilinməyən partlayış baş verib. Partlayışdan sonra bölgəyə çoxlu sayda təcili yardım, xilasetmə, polis qrupu cəlb edilib. Polis ərazidə geniş təhlükəsizlik tədbirləri görüb.
