BAKI, 24 okt — Sputnik. "Mosulun İŞİD-dən təmizlənməsi əməliyyatında dörd F-16 qırıcımız koalisiya qüvvələrinə dəstək verir".
Sputnik xəbər verir ki, bunu Türkiyənin xarici işlər naziri Mövlud Çavuşoğlu, fransalı həmkarı Jan-Mark Eyro ilə Ankaradakı görüşü zamanı deyib. "4 ədəd F-16 qırıcımız koalisiya qüvvələri ilə birlikdə antiterror əməliyyatında iştirak edir. Mosul əməliyyatında çox yaxından iştirak edirik", — Çavuşoğlu bildirib.
"İraqın şimalında Başika hərbi bazasında təlim keçdiyimiz kürd silahlılar və yerli güclər Mosul əməliyyatında fəal iştirak edir. Bizim təlim keçdiyimiz qüvvələr İŞİD-in 700 silahlısını məhv edib", — deyə o vurğulayıb.
