Fazil Məmmədov: Bakı şəhərində 1 milyon 870 min avtomobil var
"Sürücülərin maariflənməsinə yardım" İctimai Birliyinin sədri Fazil Məmmədov deyir ki, ictimai nəqliyyata etibarın olmaması səbəbindən hər kəs xüsusi avtomobilindən istifadə etməyə çalışır. Bu isə öz növbəsində, yollarda nəqliyyat sıxlığına səbəb olur: “Şəhərin ictimai nəqliyyatla dolduğu hamıya məlumdur. Orta statistik məlumatlara görə, Bakı şəhərində 1 milyon 870 min avtomobil var. Yollardakı vəziyyətin yaxşılaşdırılmasına yönələn işlər isə nəticə vermir”.
“Digər tərəfdən, son 30 il ərzində yolların tikintisi və təşkili ilə məşğul olan qurumların peşəkarlıq keyfiyyətləri pisləşib. Bu təşkilatların üzərində nəzarətin olmaması səbəbindən, ilk baxışdan yollar keyfiyyətli görünür. Bu hadisələr isə onların iyrənc vəziyyətdə olduğunu göstərdi”, — deyə o bildirib.
