BAKI, 18 okt — Sputnik. "Türk əsgəri İraqın Mosul şəhərinin İŞİD terrorçularından təmizlənməsi əməliyyatına qoşulub".
Sputnik Türkiyə mətbuatına istinadən xəbər verir ki, bu barədə Türkiyənin Baş naziri Binəli Yıldırım məlumat verib. Nazir deyib ki, əməliyyatın ilk günlərində Türkiyənin İraqdakı Başika hərbi düşərgəsində təlim keçdiyi yerli döyüşçülər iştirak ediblər.
"Hazırda hərbi hava qüvvələrimizə aid döyüş təyyarələri də koalisiya qüvvələri ilə birgə Mosulun azad olunması əməliyyatına başlayıb" — Binəli Yıldırım əlavə edib.
