Ərdoğandan ABŞ-a: "Sizi İraqa Səddam Hüseyn dəvət etmişdi?"

© REUTERS / Umit BektasRəcəb Tayyib Ərdoğan
Rəcəb Tayyib Ərdoğan - Sputnik Azərbaycan
Abunə olmaq
Türkiyə Prezidenti türk ordusunun Mosula girəcəyini deyib: "O şəhərdə bizim qardaşlarımız var"

BAKI, 17 okt — Sputnik. Türkiyə prezidenti Rəcəb Tayyib Ərdoğan İstanbulda keçirilən "Beynəlxalq Hüquq Konqresi"ndə İraq ordusunun başlatdığı "Mosul əyalətinin İŞİD-dən təmizlənməsi" əməliyyatından danışıb. Sputnik bu barədə Türkiyə NTV-nə istinadən xəbər verir.

Встреча Владимира Путина и Реджепа Тайипа Эрдогана в Санкт-Петербурге. 9 августа 2016 года - Sputnik Azərbaycan
RUSİYA
Ərdoğan Kremlə zəng edib

""Türkiyə Mosula girməsin" deyirlər. Bu, necə ola bilər?! Bölgə ilə əlaqəsi olmayan girir. Çünki Bağdad onlara "buyur, gəl" deyib. Sual verirəm. 14-15 il əvvəl Səddam Hüseyn onlara "gəlin" demişdi?", — Ərdoğan deyib.

O, Türkiyənin iştirak etmədiyi əməliyyatdan yarana biləcək nəticələrə görə ölkəsinin məsuliyyət daşımadığını bildirib: "Özlərinə də dedik: biz əməliyyatda da, danışıqlar masasında da olacağıq. O şəhərdə bizim qardaşlarımız var. Ona görə də, bu əməliyyat başlayarkən bizim kənarda qalmağımız qətiyyən mümkün deyil".

Prezident Türkiyə hərbçilərinin İraqın Mosul əyaləti yaxınlığındakı Başika rayonundan çıxmayacağını da vurğulayıb.

Xəbər lenti
0