Купюра номиналом в 200 AZN, фото из архива - Sputnik Azərbaycan
İQTİSADİYYAT
Sosial-iqtisadi gündəmə, maliyyə, biznes sahəsinə dair materiallar

FED-in qərarı Azərbaycana təsirsiz ötüşməyəcək

© AP Photo / Pablo Martinez MonsivaisABŞ Federal Ehtiyat Sisteminin idarə heyətinin sədri Canet Yellen
ABŞ Federal Ehtiyat Sisteminin idarə heyətinin sədri Canet Yellen - Sputnik Azərbaycan
Xəbərlərə abunə olun
НовостиTelegram
Ekspert: "Möhkəmlənən dollar neftin qiymətinin ucuzlaşmasına gətirib çıxaracaq"

BAKI, 13 okt — Sputnik. "ABŞ-ın Federal Ehtiyatlar Sisteminin (FED) uçot dərəcəsini artıracağı gözləniləndir. Bu faiz artımının Azərbaycana həm iqtisadi, həm də məzənnə baxımından təsirləri ola bilər". 

© facebook/ Qubad İbadoğlu / Mediabanka keçidQubad İbadoğlu - İqtisadi Tədqiqatlar Mərkəzinin rəhbəri
Qubad İbadoğlu - İqtisadi Tədqiqatlar Mərkəzinin rəhbəri  - Sputnik Azərbaycan
Qubad İbadoğlu - İqtisadi Tədqiqatlar Mərkəzinin rəhbəri

Bunu iqtisadçı-ekspert Qubad İbadoğlu Sputnik-ə açıqlamasında deyib. İqtisadi təsirlərə gəlincə: "Bütövlükdə götürəndə Azərbaycanın əsas aktivləri Neft Fondundadır. Neft Fondundakı aktivləri də valyuta səbətində müxtəlif valyutalarda yerləşdiriblər. Çünki, aktivlərin 47,6 faizi ABŞ dollarındadır, 35,3 faizi avrodadır, 4,9 faizi ingilis funt-sterlinqindədir və digər valyutalarda var. Uçot dərəcəsinin dəyişməsi həmin valyutalara təsir göstərəcək. Avroya, funt-sterlinqə, rubla, lirəyə, Çin yuanına və s. təsir göstərəcək".

"Bütün bunlar Azərbaycan Dövlət Neft Fondunun aktivlərinin valyuta tərkibidir. Bu baxımdan Fondun valyuta məzənnələrinin dəyişməsindən yaranan büdcədənkənar gəlir və yaxud xərcində dəyişiklik baş verə bilər. Bir təsir bundan ibarətdir", — mütəxəssis bildirib.

İqtisadçı hesab edir ki, psixoloji təsir də olacaq: "Ətraf ölkələrdə — Rusiyada, Gürcüstanda, Türkiyədə məzənnələrin dəyişməsinin Azərbaycanın valyuta bazarına təsirləri ola bilər. Çünki, ən azı ətrafda baş verənlər istər-istəməz Azərbaycanın valyuta bazarında gərginlik yaradır. Bu baxımdan təsirləri gözləniləndir. Burada birbaşa və ciddi təsirlərdən söhbət getmir".

Neft bazarına gəlincə, ekspert deyib ki, möhkəmlənən dollar neftin qiymətinin ucuzlaşmasına gətirib çıxaracaq: "Zəifləyən dollar neftin qiymətinin bahalaşmasına gətirib çıxarır. Çünki, neft, qızıl və digər bazarlara təsir imkanları qalır".

Qeyd edək ki, FED-in Açıq Bazar Əməliyyatları üzrə Komitəsinin (FOMC) sentyabr ayında keçirilən iclasının protokolları açıqlanıb. Protokollara görə, FED-in bəzi üzvləri ABŞ iqtisadiyyatının güclənməyə davam edəcəyi təqdirdə, faiz artımının nisbi olaraq yaxın zamanda artırılacağını bildirib.

Bu arada, dollar beynəlxalq bazarlarda FOMC-nin sentyabr iclasının protokollarının açıqlanmasından sonra güclənib. ABŞ valyutasının 10 mühüm pul qarşısındakı gedişini göstərən Bloomberg Dollar Spot İndeksi 0.2 faiz qalxıb.

Xəbər lenti
0