BAKI, 13 okt-Sputnik. Dünyada ən çox milyarderin Çində olduğu açıqlanıb.
Sputnik-in məlumatına görə, bu barədə məlumatı Sinxua agentliyi paylaşıb.
Məlumata görə, Çin milyarderləri barədə statistikanı mərkəzi ofisi Şanxayda yerləşən biznes, iqtisadiyyat və araşdırma jurnalı "Hurun Report" açıqlayıb.
Çində 594 milyarder iş adamı var. Milyarderlərin say siyahısında ikinci yeri 535 milyarderi ilə ABŞ tutur.
Çin ötən il də 596 milyarderi ilə siyahıya başçılıq edirdi. ABŞ isə 537 milyarderi ilə Çindən geri qalırdı.
