BAKI, 11 okt — Sputnik. Ötən axşam Bakı Ali Neft Məktəbinin (BANM) tələbəsi intihar edib. Bu barədə Sputnik-ə Nizami Rayon Polis İdarəsindən məlumat veriblər.
Oktyabrın 10-da, axşam saat 18:30-da BANM-in dördüncü kurs tələbəsi, 1994-cü il təvəllüdlü Gəncə şəhər sakini Abbasov Hüseyn Maarif oğlu, Azər Manafov küçəsində yerləşən 14 mərtəbəli yaşayış binasının 11-ci mərtəbəsindən özünü atıb.
Sui-qəsdin səbəbi hələlik məlum deyil. Lakin Abbasovun atasının sözlərinə görə, o özünü bir neçə fənn üzrə imtahanlarda qarşılaşdığı uğursuzluqla əlaqədar olaraq öldürə bilər.
Maarif Abbasov istintaqa verdiyi ifadədə bildirib ki, oğlu məktəbdə əlaçı olub və təhsilə çox məsuliyyətlə yanaşıb. O, ali məktəbə 670 balla daxil olub.
Atasında olan məlumata görə, Hüseyn 6 imtahanın 4-dən kəsilib və gənc buna görə çox narahat olub. Hazırda Nizami Rayon Prokurorluğu özünə qəsd faktını araşdırır.
