BAKI, 30 sen — Sputnik. Banklar manipulyasiya edib insanları aldadır. Sputnik xəbər verir ki, bunu parlamentin plenar iclasında millət vəkili Əli Məsimli deyib.
O, manatın Azərbaycanda yeganə ödəniş vasitəsi olduğunu qeyd edərək, dollar ifadəsində ödənişi düzgün hesab etmədiyini vurğulayıb: "Kimsə toyla əlaqədar mebel alıbsa, devalvasiyadan sonra niyə onun ödənişi artmalıdır? Mebelin dəyərinin manatla nəzərdə tutulmasına baxmayaraq, devalvasiyadan sonra ödənişi çoxaldırlar".
"Başa düşmürəm ki, mebel niyə dollarla alınmalıdır? Buna görə də əhali uzun müddət banklara borclu qalır. Və ya banklar müqavilədə ödənişlə bağlı öz xeyirlərinə müddəalar əlavə edirlər. Dünyanın heç bir yerində bankların belə soyğunçuluğu yoxdur", — deputat əlavə edib.
