BAKI, 27 sen — Sputnik. İstanbul şəhər prokurorluğunun Fətullah Gülən şəbəkəsi ilə bağlı apardığı istintaq çərçivəsində "Kimse Yokmu" ictimai təşkilatına qarşı cinayət işi başlanıb. Sputnik Trt-yə istinadən xəbər verir ki, ictimai birliyin 121 üzvü barəsində həbs qətimkan tədbiri seçilib.
Sözügedən təşkilat Qurban bayramı ilə bağlı toplanan ianə pullarını FETÖ-yə ötürməkdə ittiham olunur.
Qeyd edək ki, "Kimse Yokmu" Həmrəylik və Yardımlaşma Dərnəyi 2004-cü ildə İstanbulda yaradılıb. Türkiyə Nazirlər Kabineti birliyi cəmiyyətin mənafeyi üçün çalışan təşkilat kimi qeydə alıb.
