BAKI, 21 sen-Sputnik. Alimlər müəyyən ediblər ki, oturaq həyat tərzi insanları ölümə aparır. İl ərzində planetimizin əhalisinin 4%-i uzunmüddətli oturaq həyat tərzinə görə dünyasını dəyişir.
Sputnik xarici mətbuata istinadla xəbər verir ki, San-Paulu Universitetindən olan Braziliya alimləri gün ərzində 3 saatdan çox oturmağın sağlamlıq üçün çox ziyanlı olduğunu müəyyən ediblər.
10 il ərzində davam edən irimiqyaslı araşdırmalar nəticəsində alimlərə məlum olub ki, Yer kürəsi əhalisinin 60%-i gün ərzində 3 saatdan çox oturaq şəraitdə olur. Bu orta göstərici 4,7 saat təşkil edir.
Mütəxəssislər qeyd edirlər ki, dünyada ən az oturan əhali Meksika, Myanma və Butanda yaşayır. Vaxtının əksəriyyətini stol arxasında keçirənlərin ən çoxu isə Livan, Niderland və Danimarkada sakinləridir.
