BAKI, 20 sen — Sputnik. Mərkəzi Bank (AMB) manatın bu günə olan rəsmi məzənnəsini açıqlayıb. Sputnik AMB-yə istinadən xəbər verir ki, dolların məzənnəsi sentyabr ayının 19-u ilə müqayisədə dəyişməyərək 1,6370 manat olub.
Avro manata nisbətən bahalaşıb. Avrozonanın vahid valyutası 0,1% möhkəmlənərək 1,8291 manat olub. Rusiyanın milli valyutası rubl ötən günlə müqayisədə dəyişməyərək 0,0252 manat səviyyəsində qalıb.
Türkiyə lirəsinin məzənnəsi də sabit qalaraq 0,5499 manat təşkil edib. Rəsmi məzənnəyə əsasən, 1 ingilis funt sterlinqi 2,1346 manatdır. Beləliklə, funt sterlinq 0,01%-lik bahalaşma nümayiş etdirib. Gürcü larisinin məzənnəsi 0,09% ucuzlaşaraq 0,7087 manat təşkil edib.
