BAKI, 20 sen — Sputnik. İraqın baş naziri Heydər əl-Abadi Türkiyənin ünvanına sərt ismarıc göndərib. O, rəsmi Ankaradan İraqdakı əsgərlərini geri çəkməsini istəyib.
Sputnik Fars xəbər agentliyinə istinadən xəbər verir ki, əl-Abadi türk əsgərlərin İraqdakı varlığının İŞİD-i məğlub etməyə mane olduğunu deyib: "Türkiyənin əsgərlərini İraqdan çəkməsini istəyirik. Çünki onların burada qalması İŞİD-i vaxtında məhv etməyimizə maneə törədir. Əgər Ankara İŞİD-lə mübarizədə səmimidirsə, o zaman İraqın bu tələbinə müsbət cavab verməlidir".
