BAKI, 14 sen-Sputnik. Sabah Bakıda 43397 şagird birinci sinifə gedəcək.
Bu barədə Sputnik-ə Bakı Şəhər Təhsil İdarəsindən məlumat verilib.
Məlumatda bildirilir ki, 35561 nəfər Azərbaycan bölməsində, 7836 nəfər isə rus bölməsində təhsil alacaq. I sinfə gedən şagirdlərdən 40686 nəfəri 6 yaşı tamam olanlar, 2711 nəfəri isə 6 yaşı tamam olmayanlardır.
Lisey və gimnaziyaların I siniflərinə isə 2450 nəfər şagird gedəcək. Onlardan 2115 nəfəri 6 yaşı tamam olanlar, 335 nəfəri 6 yaşı tamam olmayanlardır.
