BAKI, 11 sen — Sputnik. Finlandiyalı ufoloq Mark Savalha Ay fotolarından birində dik antena aşkar edib. Onun fikrincə, bu, Yer kürəsinin peykində yüksək inkişaf etmiş yadplanetli sivilizasiyanın mövcudluğunu göstərir.
AZƏRTAC "Daily Mail" qəzetinə (Böyük Britaniya) istinadla xəbər verir ki, fin ufoloq yadplanetlilərin Ayda yeraltı minerallar çıxardığını iddia edir. Mütəxəssis, həmçinin əmindir ki, bu məlumat artıq çoxdan NASA-ya məlumdur, lakin amerikanlar informasiyanı cidd- cəhdlə gizlədirlər.
M.Savalha bildirib ki, amerikalıların Aya pilotlu uçuşlardan imtina etməsinə məhz yadplanetlilər səbəb olub.
