BAKI, 7 sen — Sputnik. Türkiyənin Hakkari əyalətinin Çukurca rayonunda PKK terrorçularının sığındığı yerlərə havadan endirilən zərbələr nəticəsində 12 terrorçu zərərsizləşdirilib. Sputnik Sabah-a istinadən xəbər verir ki, bu barədə Türkiyə Silahlı Qüvvələrinin Baş Qərargahı məlumat yayıb.
Xəbərə görə, orduya aid qırıcılar səhər saatlarında terrorçuların bir çox mövqelərini bombalayıb. Hava əməliyyatından sonra qırıcılar hərbi bazaya geri dönüb.
