BAKI, 5 sent-Sputnik. Alimlər vunderkind dünyaya gətirməyə kömək edən ərzağın adını açıqlayıblar.
Alimlərdən ibarət beynəlxalq qrup öz araşdırmaları zamanı gələcək körpənin intellektual kimi formalaşmasında əsas rol oynayan ərzaqları müəyyən ediblər.
Bu araşdırmaların aparılması üçün 600-dən çox uşaqdan istifadə olunub.
Alimlər müəyyən ediblər ki, koqnitiv qabiliyyətləri olan uşaqlar gələcək anaların davamlı olaraq meyvə qəbul etməsinin nəticəsidir.
Doğuşdan bir il sonra meyvə həvəskarları olan anaların dünyaya gətirdikləri uşaqların yüksək əqli keyfiyyətlərə malik olduqları üzə çıxıb.
Bununla yanaşı, o da qeyd olunub ki, meyvənin həddindən çox yeyilməsi mənfi nəticələr də verə bilər.
Misal üçün, hamilə qadınların meyvələri həddindən artıq çox yeməsi uşağın ana bətnində allergik reaksiyalarla üzləşməsinə səbəb olur.
Yaxın zamanlarda mütəxəssislər uşaq orqanizminin meyvələrə verdiyi reaksiyaları daha detallı öyrənərək təqdim edəcək.
Qeyd edək ki, ABŞ-ın təşəbbüsü ilə Kanada, Almaniya, Britaniya, Yaponiya və digər ölkələrin alimlərindən ibarət qrup yaxın illərdə seçmə üsulu ilə yalnız intellektual uşaqların dünyaya gətirilməsi layihəsi üzərində işləyirlər. Sözügedən tədqiqat vunderkind dünyaya gətirməyin yollarından biri kimi nəzərdən keçirilib və effektiv olub.
