BAKI, 29 avq — Sputnik. Sentyabr ayından teatr mövsümünün açılması gözlənilir. Müxtəlif teatrlar yeni tamaşaları ilə teatrsevərlərin görüşünə gələcək.
Yuğ teatrının direktoru Tərlan Rəsulov yeni mövsüm haqqında planlarını Sputnik-ə açıqlayıb: "Yeni mövsümü 20 sentyabrda açmaq fikrindəyik. Mövsümün açılış tamaşası "Naməlum Axundzadə" olması nəzərdə tutulub".
Onun sözlərinə görə, keçən mövsümün sonunda premyerası keçirilən tamaşaların yenidən premyerası olacaq: "Bundan savayı əvvəlki repertuarda olan bir sıra uğurlu tamaşaların əsaslı bərpası həyata keçiriləcək".
