BAKI, 24 avq — Sputnik. Azərbaycan Prezidenti İlham Əliyev İtaliyanın Prezidenti Sercio Mattarellaya bu gün baş verən zəlzələdə həyatını itirən insanlarla bağlı başsağlığı verib.
Sputnik-in məlumatına görə, İlham Əliyevin başsağlığı məktubunda deyilir:
"Hörmətli cənab Prezident! Ölkənizdə baş vermiş zəlzələ nəticəsində çoxsaylı insan tələfatı və irimiqyaslı dağıntılar barədə xəbər bizi olduqca kədərləndirdi.
Bu faciə ilə əlaqədar Sizə, həlak olanların ailələrinə və yaxınlarına, bütün İtaliya xalqına şəxsən öz adımdan və Azərbaycan xalqı adından dərin hüznlə başsağlığı verir, yaralananlara və xəsarət alanlara şəfa diləyir, təbii fəlakətin nəticələrinin tezliklə aradan qaldırılmasını arzulayıram".
