Автомобильная авария, фото из архива - Sputnik Azərbaycan
HADİSƏ
Azərbaycanda və dünyada baş verən insident, olay və qəzalar

İlham Əliyev: Terrorizmin bütün təzahürlərinə qarşı ardıcıl mübarizə aparmaq vacibdir

© Photo : Официальный сайт президента АзербайджанаИльхам Алиев, президент Азербайджанской Республики
Ильхам Алиев, президент Азербайджанской Республики - Sputnik Azərbaycan
Abunə olmaq
Türkiyənin Qazıantep şəhərində toyda qadın-kamikadzenin törətdiyi partlayış nəticəsində ölənlərin sayı 50 nəfərə çatıb.

BAKI, 21 avq — Sputnik. Azərbaycan Prezidenti İlham Əliyev Türkiyə Prezidenti Rəcəb Tayyib Ərdoğana başsağlığı verib.

Sputnik-in prezidentin saytına istinadən verdiyi məlumata görə, başsağlığında deyilir:

"Hörmətli cənab Prezident, 

Əziz Qardaşım,

Qaziantep vilayətində toy mərasimi zamanı törədilmiş dəhşətli partlayış nəticəsində çoxsaylı insan tələfatı və yaralananlar barədə xəbər bizi olduqca sarsıtdı.

Biz bu amansız terror əməlindən, ölkənizdə xaincəsinə törədilmiş digər terror aktlarından son dərəcə hiddətlənir, terrorizmin bütün təzahürlərinə qarşı hamılıqla, qətiyyətlə və ardıcıl mübarizə aparılmasını vacib və zəruri hesab edirik.

Bu faciə ilə əlaqədar Sizə, həlak olanların ailələrinə və yaxınlarına, bütün qardaş Türkiyə xalqına şəxsən öz adımdan və Azərbaycan xalqı adından dərin hüznlə başsağlığı verir, yaralananlara şəfa diləyirəm.

Allah rəhmət eləsin!"

Xəbər lenti
0