BAKI, 17 avq — Sputnik. Azərbaycanda iki bank müflis elan olunub. Trend Azərbaycanın Əmanətlərin Sığortalanması Fonduna istinadən məlumat verir ki, həmin banklar "Qafqaz İnkişaf Bankı"ASC və "Atrabank" ASC-dir.
Məlumatda qeyd edilir ki, Azərbaycan Respublikası 1 Saylı Bakı İnzibati-İqtisadi Məhkəməsinin 16.08.2016-cı il tarixli 2-1(81)-1594/2016 saylı Qərardadı ilə "Qafqaz İnkişaf Bankı"ASC və "Atrabank" ASC müflis elan olunub və Əmanətlərin Sığortalanması Fondu 16.08.2016-cı il tarixdən qeyd edilən bankların Ləğvedicisi kimi fəaliyyətə başlayıb.
