BAKI, 16 avq — Sputnik. Avqustun 15-dən 16-na keçən gecə İmişli şəhəri, Hüseyn Cavid küçəsi, dalan 1 ünvanında yerləşən fərdi yaşayış evində yanğın olub. Şahidlərin Sputnik-in bölgə müxbirinə verdikləri məlumata görə, hadisə baş verən zaman ev sahibi Ramiz Qasımov və xanımı işdə olub.
Qonşular dərhal FHN-in Yanğından Mühafizə Hissəsinə zəng ediblər. Amma yanğınsöndürənlər gəlib çatanadək ev, içərisindəki əşyalarla bir yerdə yanıb. Qab-qacaqla su daşıyan qonşular yanğının yaxınlıqdakı digər evə keçməyinə imkan verməyiblər.
