BAKI, 11 avq-Sputnik. Azərbaycanı 2016-cı il Rio-de-Janeyro XXXI Yay Olimpiya Oyunlarında təmsil edən cüdoçu Elmar Qasımov finala yüksəlib.
Sputnik-in məlumatına görə, o, yarımfinalda ukraynalı Artyom Bloşenko ilə qarşılaşıb və rəqibinə ipponla qalib gəlib.
İdmançı finala çıxmaqla özünə azı gümüş medalı təmin etmiş olub.
1/4 finalda o misirli Ramazan Dərvişə qalib gəlib.
Daha öncəki mərhələlərdə Qasımov əlcəzairli Lues Bouyaqub və rusiyalı Tahir Haybullayev üzərində qələbə qazanıb.
