Bu gün İstanbul mitinqinə 5 milyon adamın qatılacağı gözlənilir

© Photo : Tezis.azİstanbulun "Yeniqapı” meydanında mitinq
İstanbulun Yeniqapı” meydanında mitinq - Sputnik Azərbaycan
Xəbərlərə abunə olun
Yandex newsTelegram
Ölkə müxalifətini təmsil edən Cümhuriyyət Xalq və Millətçi Hərəkat partiyaları Türkiyə dövlətçiliyi naminə mitinqə qatılmaq təklifini qəbul ediblər. Razılıq əldə olunub ki, mitinqdə siyasi ayrı-seçkilik şüarları səsləndirilməyəcək.

BAKI, 7 avq-Sputnik. Yaxın saatlarda İstanbulun "Yenikapı" meydanında ümumxalq mitinqi başlayacaq. "Demokratiya və şəhidlər" şüarı ilə keçiriləcək mitinq iyulun 15-də Türkiyədə törədilən dövlət çevrilişi cəhdinə qarşı həmrəylik məqsədi daşıyır. Artıq mitinq meydanına insan seli axmaqdadır.

Ölkə müxalifətini təmsil edən Cümhuriyyət Xalq və Millətçi Hərəkat partiyaları Türkiyə dövlətçiliyi naminə mitinqə qatılmaq təklifini qəbul ediblər. Razılıq əldə olunub ki, mitinqdə siyasi ayrı-seçkilik şüarları səsləndirilməyəcək.

Bu mitinq Türkiyədə siyasi partiyaların birgə iştirak etdikləri ən böyük həmrəylik mitinqi kimi xarakterizə olunur. Mitinqə 5 milyona yaxın insanın qatılacağı gözlənilir.

Xarici və yerli KİV-lər mitinq yerindən birbaşa reportajlar yayırlar. Ankarada və ölkənin digər böyük şəhərlərində də həmrəylik mitinqləri təşkil olunub.

Qeyd edək ki, 15 iyulda Türkiyədə hərbi dövlət çevrilişinə cəhd edilib. Bu zaman qiyamçıları çıxmaq şərti ilə 246 nəfər həlak olub, 2000-dən çox adam yaralanıb. Ümumilikdə 67 mindən artıq insan FETÖ terror təşkilatı ilə əlaqədə günahlandırılaraq işdən çıxarılıb.

Xəbər lenti
0