BAKI, 31 iyul — Sputnik. Görkəmli sovet yazıçısı Yazıçı Fazil İsgəndər 88 yaşında vəfat edib.
Fazil Abduloviç İsgəndər Suxumi şəhərində anadan olub. 1938-ci ildə gələcək yazıçının iranlı atası SSRİ-dən deportasiya olunub və oğlunu bir daha görməyib. Fazili abxaz olan anasının qohumları böyüdüb.
F.İsgəndər əsərlərini rus dilində yazıb.
Yazıçı ədəbiyyata 1957-ci ildə işıq üzü görən “Dağ cığırları” adlanan şeirlər kitabı ilə qədəm qoyub. 1962-ci ildən nəsr əsərləri yazmağa başlayıb. 1966-cı ildə çap olunan “Kozlotur bürcü” əsərindən sonra yazıçı kimi böyük şöhrət qazanıb.
F.İsgəndərin əsərləri, demək olar ki, bütün Avropa dillərinə tərcümə olunub.
