BAKI, 29 iyul-Sputnik. Türkiyənin Hakkari vilayətində PKK terrorçularının hücumu nəticəsində 5 əsgər şəhid olub, 8-i isə yaralanıb.
Sputnik Türkiyənin verdiyi xəbərə görə, Hakkarinin Çukurca şossesi üzərindəki Doğanlı bölgəsində yola baxış keçirən əsgərlərə PKK üzvləri hücum ediblər. Hücumun ardından baş verən döyüşdə ilkin məlumatlara görə 5 əsgər həyatını itirib. 8 əsgər isə ağır şəkildə yaralanıb.
Yolda yoxlanış aparan əsgərlər iriçaplı silahlardan atəşə tutulublar.
Yaralı əsgərlər Hakkari və Çukurca xəstəxanalarına göndərilib. Qarşıdurmanın davam etdiyi bölgəyə çox sayda zirehli texnika cəlb edilib. Bölgədə hava dəstəkli əməliyyat davam edir.
