AIESEC tələbə təşkilatı tərəfindən təşkil olunmuş Global Village ("Ümumdünya kəndi") gənclərin mədəniyyət festivalı Azərbaycanda 2011-ci ildən başlayaraq hər il keçirilir.
"Park Bulvar" ticarət mərkəzində keçirilmiş festivalın əsas məqsədi gənclər arasında dialoq yaratmaq, həmçinin müxtəlif ölkələrin ənənələri, milli mətbəxi və geyimləri ilə tanış olmaqdır.
Tədbir maraqlı rəqslər və mahnı ifaları ilə yadda qalıb. Global Village-də olanlar razı qalıblar, təəssüratlarını bölüşərkən isə bildiriblər ki, gələcəkdə belə layihələrin keçirilməsi məqsədəyönlüdür və ölkəmizin gəncləri üçün faydalıdır.
