BAKI, 28 iyul — Sputnik. "88 nəfər işçinin nazirliklə olan əlaqəsini kəsdik". Sputnik Türkiyə NTV-nə istinadən xəbər verir ki, bu sözləri Türkiyənin Xarici işlər naziri Mövlud Çavuşoğlu jurnalistlərə açıqlamasında deyib.
Onun sözlərinə görə, istefaya göndərilənlərdən ikisi səfirdir. Çavuşoğlu, həmçinin qeyd edib ki, Türkiyənin Kazandakı baş konsulluğunun bir əməkdaşı da Yaponiyaya qaçıb.
Nazir çıxışının sonunda Fətullah Gülən şəbəkəsi ilə ölkəsində aktiv mübarizə apardığına görə Azərbaycan prezidenti İlham Əliyevə təşəkkür edib.
