BAKI, 28 iyul — Sputnik. Dünən Qazax rayonunda xalq yazıçısı İsmayıl Şıxlının anım tədbiri keçirilib. Qazax Rayon İcra Hakimiyyətinin (RİH) və Azərbaycan Yazıçılar Birliyinin (AYB) Qazax zona filialının təşəbbüsü ilə təşkil olunmuş tədbirdə rayon ziyalıları, yazıçı və şairlər, görkəmli ədibinin qohumları iştirak edib, yazıçının heykəli önünə tər güllər düzüblər.
Tədbiri giriş sözüylə açan AYB-nin Qazax zona filialının sədri Barat Vüsal İsmayıl Şıxlının keçdiyi həyat yolundan, yaradıcılığından geniş söhbət açıb, onunla bağlı xatirlərini tədbir iştirakçıları ilə bölüşüb. Ədibin Azərbaycan ədəbiyyatı qarşısındakı fəaliyyətini yüksək qiymətləndirib.
İsmayıl Şıxlının qohumları yazıçıya verilən dəyəri yüksək qiymətləndiriblər və tədbirin təşkilatçılarına öz dərin minnətdarlıqlarını bildiriblər.
