BAKI, 26 iyul-Sputnik. Fransanın şimal-qərbində yerləşən Sent-Etyen-dyu-Ruvr kontonun Ruvr şəhərində, prezident Fransua Ollandın doğulduğu yerdə naməlum şəxslər kilsəyə hücum ediblər. Onlar bıçaqla silahlanaraq kilsədə ibadət edən insanları girov götürüblər. İlkin məlumata görə, 6 nəfərin girov götürüldüyü bildirilir.
Hücum edən şəxslər kilsənin arxa qapısından daxil olublar. İnsident bu gün yerli vaxtla saat 9:45-də baş verib.
Girov götürülənlər kilsənin keşişi və digər dini rütbəli əməkdaşlarıdır. Kilsəyə hücum barədə həyəcan siqnalını buradan qaçmağa müvəffəq olmuş iki kilsə xadimi verib.
Hadisə yerinə xüsusi təyinatlı polislər cəlb edilib. Xüsusi əməliyyat nəticəsində hər iki hücumçu şəxs məhv edilib.
BFMTV cinayətkarların kilsə binasından çıxarkən öldürüldüyünü xəbər verib. Girov götürülən şəxslər salamat qurtarıblar.
Fiqaro qəzetinin yazdığına görə, kilsənin baş keçisi aldığı xəsarətdən yerindəcə keçinib. Digər iki şəxs isə olumla ölüm arasındadır.
Cinayətkarlarla bağlı hələlik heç bir məlumat yoxdur.
Şahidlərin sözlərinə görə, cinayətkarlardan birinin saqqalı və başında müsəlmanların fəsi olub.
Hücumun səbəbləri hələlik bəlli deyil. İşi antiterror prokurorluğu icraata götürüb.
"Aydındır ki, bu aqressiv akt məqsədli şəkildə törədilib və daha əvvəlcədən planlaşdırılıb" — deyə Fransa Daxili İşlər Nazirliyinin rəsmi nümayəndəsi Pyer-Anri Brand bildirib.
Prezident Fransua Olland və daxili işlər naziri Bernar Kaznev də hadisə yerinə gəliblər.
Ötən ilin noyabrından etibarən Fransada fövqəladə vəziyyət rejimi davam edir. Məhdudiyyətin müddəti iyulun 14-də Nitsada baş verən terror aktından sonra daha yarım il uzadılıb. Nitsada baş verən terror aktılnda 84 nəfər həyatını itirib.
