BAKI, 20 iyul — Sputnik. Azərbaycan fəaliyyət göstərən "Zaman-Azərbaycan" qəzeti fəaliyyətini dayandırıb. Sputnik xəbər verir ki, bununla əlaqədar təsisçilər bəyanat yayıblar.
Bəyanatda deyilir: "Son günlərdə regionumuzda baş verən hadisələr və bu olayların həssaslığının Türkiyə-Azərbaycan dostluq və qardaşlığına təsir edə biləcəyini nəzərə alaraq biz — "Zaman-Azərbaycan" qəzetinin təsisçiləri ictimaiyyətin nəzərinə çatdırırıq ki, Azərbaycan dövlətinin və dövlətçiliyinin yanında olduğumuzu bir daha nümayiş etdirərək bu gündən "Zaman-Azərbaycan" qəzetinin və zaman.az saytının fəaliyyətini dayandırmaq qərarına gəlmişik".
Qeyd edək ki, "Zaman-Azərbaycan" qəzeti 1991-ci il mayın 24-dən nəşr olunur.
