Купюра номиналом в 200 AZN, фото из архива - Sputnik Azərbaycan
İQTİSADİYYAT
Sosial-iqtisadi gündəmə, maliyyə, biznes sahəsinə dair materiallar

SOCAR-la "Transqaz" arasında memorandum imzalandı

© AZƏRTACSOCAR və Rumıniyanın “Transqaz” şirkəti Qarşılıqlı Anlaşma Memorandumu imzalayıblar
SOCAR və Rumıniyanın “Transqaz” şirkəti Qarşılıqlı Anlaşma Memorandumu imzalayıblar - Sputnik Azərbaycan
Xəbərlərə abunə olun
Memorandumun imzalanması şirkətlər arasında əməkdaşlığı dərinləşdirmək, Cənub-Şərqi Avropa və Balkan regionunun təbii qaz bazarında fəaliyyətləri genişləndirmək imkanı verəcək

BAKI, 19 iyul — Sputnik. SOCAR və Rumıniyanın "Transqaz" şirkəti Qarşılıqlı Anlaşma Memorandumu imzalayıblar. SOCAR-ın mətbuat xidmətindən AZƏRTAC-a bildirilib ki, şirkətin prezidenti Rövnəq Abdullayev iyulun 19-da Avropa Parlamentinin üzvü Ramona Nikole Manesku, Rumıniyanın "Transqaz" şirkətinin Direktorlar Şurasının sədri İon Sterian və "Transqaz"ın maliyyə vəsaiti və Avropa İttifaqı ilə beynəlxalq əlaqələr üzrə idarə rəisi Çiprian Aliçdən ibarət nümayəndə heyəti ilə görüşüb.

''Petkim” neft-kimya kompleksi - Sputnik Azərbaycan
İQTİSADİYYAT
"SOCAR Turkey Energy" "Petkim"dəki payını satır

Görüşdə Azərbaycan və Rumıniya əlaqələrinin yüksələn xətt üzrə inkişafı xüsusi qeyd olunub, ölkələrimiz arasında enerji sahəsində əməkdaşlıq və SOCAR-ın Rumıniyada uğurlu fəaliyyəti yüksək qiymətləndirilib. Sonra SOCAR və "Transqaz" arasında Qarşılıqlı Anlaşma Memorandumu imzalanıb.

Memorandumda SOCAR və "Transqaz" arasında təbii qazın nəqli sahəsində əməkdaşlığın möhkəmləndirilməsi, Azərbaycan və Xəzər dənizi regionundan qaz tədarükü hesabına qaz tranziti və paylanması sahəsində Rumıniyanın potensialından istifadə olunması imkanlarının, habelə ümumi maraq doğuran potensial perspektivlərin araşdırılması, uzunmüddətli sazişlər və ya spot-sövdələşmələr əsasında, o cümlədən AGRİ layihəsi çərçivəsində maye qazın qəbulu üzrə potensial terminallar da daxil olmaqla, Rumıniya bazarına təbii və maye qaz tədarükü və treydinqi sahəsində əməkdaşlıq imkanlarının birgə öyrənilməsi kimi məsələlər nəzərdə tutulur.

© AZƏRTACSOCAR və Rumıniyanın “Transqaz” şirkəti Qarşılıqlı Anlaşma Memorandumu imzalayıblar
SOCAR və Rumıniyanın “Transqaz” şirkəti Qarşılıqlı Anlaşma Memorandumu imzalayıblar - Sputnik Azərbaycan
SOCAR və Rumıniyanın “Transqaz” şirkəti Qarşılıqlı Anlaşma Memorandumu imzalayıblar

Görüşdə bildirilib ki, memorandumun imzalanması şirkətlər arasında əməkdaşlığı dərinləşdirmək, Cənub-Şərqi Avropa və Balkan regionunun təbii qaz bazarında fəaliyyətləri genişləndirmək imkanı verəcək. Enerji sahəsində, xüsusilə də təbii qazın tədarükü, nəqli, marketinqi və satışı sahələrində birgə fəaliyyətin ölkələr arasında əməkdaşlığın genişlənməsinə əhəmiyyətli töhfə verəcəyinə əminlik ifadə edilib.

Xəbər lenti
0
Əvvəlcə yenilərƏvvəlcə köhnələr
loader
CANLI
Заголовок открываемого материала