BAKI, 12 iyul — Sputnik. "İngiltərə funt sterlinqi dəyərdən düşsə də, ABŞ dolları dəyərini artırıb. Bizdə isə portfelin 50 faizi dollardadır".
"Report" xəbər verir ki, bunu jurnalistlərə açıqlamasında Azərbaycan Respublikası Dövlət Neft Fondunun (ARDNF) icraçı direktoru Şahmar Mövsümov deyib. O qeyd edib ki, hansısa valyutanın qiymətdən düşməsi nisbidir.
"Biz valyutaların arxasınca düşmürük, hansı qalxdısa, qaçıb ondan almırıq. Bu gün manatda da elə vəziyyətdir. Dollar qalxdı, hamı qaçdı dollar aldı. Sonra manat lazım olanda manat aldılar və uduzdular", — Ş. Mövsümov bildirib.
Onun sözlərinə görə, ARDNF portfelini müxtəlif valyutalarda saxlayır: "Bunu ona görə edirik ki, bu dəyərsizləşmə ümimilikdə portfelimizə təsir etməsin".
