BAKI, 12 iyul — Sputnik. Türkiyənin Sakarya vilayətində, hər il çaydan çıxaraq cütləşən və çütləşdikdən sonra ölən "Bir gün" həşəratları yenə diqqət mərkəzində olub. Vətəndaşlar milyonlarla həşəratın işıqların ətrafında etdiyi rəqsi izləmək üçün Sakarya körpüsünə axın ediblər.
Sputnik haber3-ə istinadla xəbər verir ki, Sakarya çayında inkişaf proseslərini tamamladıqdan sonra, cütləşmək üçün uçuşan və xalq arasında "Bir gün" olaraq bilinən Akva həşəratlarının rəqsi başlayıb. Son uçuşlarını həyata keçirdikdən sonra yerə düşüb ölən həşəratların bu təbii hadisəsi vətəndaşların da marağını çəkib.
İnsanlar yerə düşüb ölən həşəratları ovuclarına dolduraraq şəkillər çəkiblər. Onlar yollarda ağ bir örtük əmələ gətirib. Suda inkişaf proseslərini 3 il içində tamamladıqdan sonra çaydan yüksələn həşəratların ölüm uçuşunu təəccüblə izləyən vətəndaşlar, bu anları telefonlarına qeyd ediblər.
Hər il yaşanan hadisəni izləməyə gəldiklərini deyən Erhan Bayraktar bildirib ki, hər axşam namaza yaxın buraya işıqlara gəlirlər: "Hər il izləməyə gəlirik. Körpünün işıqlarını söndürdülər. Ölüm uçuşunun bir neçə gün davam etməsi gözlənilir".
