BAKI, 11 iyul — Sputnik. Fransa yığmasının hücumçüsü Antuan Qrizman 2016-cı il futbol üzrə Avropa Çempionatının ən yaxşı futbolçusu adına layiq görülüb. Sputnik-in məlumatına görə, bu barədə turnirin rəsmi Tvitter səhifəsində məlumat verilib.
Ötən gün Fransa yığması Avropa çempionatının finalında əlavə vaxtda Portuqaliya yığmasına 0:1 hesabı ilə məğlub olub. Qrizman 7 oyunda 6 qol vurub və iki qolla nəticələnən ötürmə edib. Bununla da turnirin ən yaxşı bombardiri adına layiq görülüb.
OFFICIAL: @AntoGriezmann is #EURO2016 player of the tournament! #FRA @equipedefrance @Atleti https://t.co/i9qDBsorVI pic.twitter.com/cR8eh8Drio
— UEFA EURO 2016 (@UEFAEURO) 11 July 2016
Onu çempionatda vurduqları 3 qolla Portuqaliya yığmasının hücumçusu Kriştianu Ronaldo və Fransa yığmasının digər üzvü Olivye Jiru izləyib.
Futbol üzrə Avropa Çempionatı Fransanın 10 şəhərində iyunun 10-dan iyulun 10-na qədər keçirilib.
