İlham Mustafa, Sputnik Azərbaycan
BAKI, 6 iyul — Sputnik. Daşkəsən rayonunda, 1937-ci ildə inşa edilmiş və istismar müddəti bitmiş körpü, 24 kilometr uzunluğunda olan Dəstəfur-Qıyıxlı avtomobil yolunun 9-cu kilometrliyində yerləşir. Metal konstruksiyadan ibarət körpünün uzunluğu 10 metr, hündürlüyü 8 metr, eni isə 3,5 metr idi.
Körpünün dayaqları qaya daşlarından inşa edildiyi üçün bəzi hissələri dağılmış vəziyyətdə idi. "Azəravtoyol" ASC-dən Sputnik-ə verilən məlumata görə, təmir-bərpa işləri zamanı körpü demək olar ki, sökülərək yenidən tikilib.
![Dəstəfur-Qıyıxlı avtomobil yolunundakı körpü bərpa edilib Dəstəfur-Qıyıxlı avtomobil yolunundakı körpü bərpa edilib - Sputnik Azərbaycan](https://cdnn1.img.sputnik.az/img/40612/20/406122060_56:0:1010:600_600x0_80_0_0_b33d3aabbababc4fe94d861b9a8cecae.jpg)
![Dəstəfur-Qıyıxlı avtomobil yolunundakı körpü bərpa edilib Dəstəfur-Qıyıxlı avtomobil yolunundakı körpü bərpa edilib - Sputnik Azərbaycan](https://cdnn1.img.sputnik.az/img/40612/21/406122138_52:0:947:563_600x0_80_0_0_852c391b0f11720c54edbee23b04057c.jpg)
![Dəstəfur-Qıyıxlı avtomobil yolunundakı körpü bərpa edilib Dəstəfur-Qıyıxlı avtomobil yolunundakı körpü bərpa edilib - Sputnik Azərbaycan](https://cdnn1.img.sputnik.az/img/40612/22/406122296_56:0:1010:600_600x0_80_0_0_34913883fcfb06d37c5cb0937fc8dba2.jpg)
![Dəstəfur-Qıyıxlı avtomobil yolunundakı körpü bərpa edilib Dəstəfur-Qıyıxlı avtomobil yolunundakı körpü bərpa edilib - Sputnik Azərbaycan](https://cdnn1.img.sputnik.az/img/40612/22/406122220_56:0:1010:600_600x0_80_0_0_172f1a2d16c093461c080237183f97a8.jpg)
![Dəstəfur-Qıyıxlı avtomobil yolunundakı körpü bərpa edilib Dəstəfur-Qıyıxlı avtomobil yolunundakı körpü bərpa edilib - Sputnik Azərbaycan](https://cdnn1.img.sputnik.az/img/40612/24/406122464_56:0:1010:600_600x0_80_0_0_7fbb3bba3da95236eb5de1511e877cef.jpg)
![Dəstəfur-Qıyıxlı avtomobil yolunundakı körpü bərpa edilib Dəstəfur-Qıyıxlı avtomobil yolunundakı körpü bərpa edilib - Sputnik Azərbaycan](https://cdnn1.img.sputnik.az/img/40612/25/406122542_56:0:1010:600_600x0_80_0_0_dc7c1f7234b013296487b81c97d42be3.jpg)
Dayaqlar və hərəkət hissə dəmir-beton, aşırım hissə isə metal konstruksiyalardan yenidən inşa edilib. Körpünün eni 3,5 metrdən 6 metrə qədər genişləndirilib. 24 paqon-metr uzunluğunda təkərqaytaranlar və dəmir mühəccərlər quraşdırılıb. Körpünün bərpa olunması ilə vətəndaşların rahat gediş-gəlişi təmin olunub.
Daşkəsən-Xoşbulaq yolunun 5-ci km-də də selin yaratdığı fəsadlar aradan qaldırılıb. Yol daha təhlükəsiz əraziyə doğru genişləndirilib. Genişləndirilmiş hissənin uzunluğu təqribən 100 metrdir.
Avtomobil yolunun altından suların ötürülməsi üçün iki gözlü, 12 paqon-metr uzunluğunda və 1500 mm diametrində boru quraşdırılıb.
Qeyd edək ki, sel suları bir müddət bundan öncə avtomobil yolunun bir hissəsini və iki ədəd su borusunu sıradan çıxarmışdı.