BAKI, 6 iyul — Sputnik. Uydurma "erməni soyqırımı"nın tanınması ilə bağlı məsələ iyulun 5-də İsrail Knessetinin plenar iclasında səsverməyə çıxarılmayıb. Bu barədə APA "news.am" saytına istinadən xəbər verir.
Məlumata görə, Erməni Apostol Kilsəsinin Yerusəlim yeparxiyasının nümayəndəsi Koryun ata bildirib ki, Knesset məsələni müzakirə etsə də, səsverməyə çıxarmayıb, çünki hökumət nümayəndəsi məsələnin Təhsil Komissiyasında müzakirə olunmasını təklif edib.
Onun sözlərinə görə, iclasın gedişində erməni və yəhudilərdən ibarət qrup Knessetin qarşısında "soyqırım"ın tanıması tələbi ilə etiraz aksiyası keçirib.
