BAKI, 2 iyul — Sputnik. Türkiyədə mədə ağrısı ilə xəstəxanaya müraciət edən xəstə, müayinə olunandan sonra həkimləri heyrətləndirib. Sputnik haberler.com-a istinadən xəbər verir ki, uzun müddətdir, yemək yeyə bilməyən və çox zəifləyən 18 yaşlı qız əməliyyata alınıb və mədəsindən 2 kiloya yaxın saç çıxarılıb.
Həkimlərin dediklərinə görə, "Rapunzel sendromu" adlı bu xəstəliyin kökündə psixoloji səbəblər durur. Belə xəstələr özləri də bilmədən öz saçlarını yeyirlər.
Bu, uzun müddət davam etdikdə ağır fəsadlara səbəb olur. Belə xəstəliklərin qarşısını almaq üçün həmin xəstələrə psixoloji yardım etmək lazımdır.
